Swyddog Gwynedd Oed Gyfeillgar

Yn 2024 dyfarnwyd statws Cyfeillgar i Oed i Wynedd gan Sefydliad Iechyd y Byd

Ydych chi'n berson egniol a llawn cymhelliant a allai gydlynu'r rhaglen hon, gan weithio mewn partneriaeth â phobl hŷn, sefydliadau a grwpiau i sicrhau ein bod yn parhau ac yn datblygu'r gwaith?

Mae Cyngor Gwynedd yn cynnig pecyn cyflogaeth deniadol, am fwy o wybodaeth cliciwch ar y Pecyn Gwybodaeth yma

Mae Cyngor Gwynedd yn gweithredu’n fewnol drwy gyfrwng y Gymraeg, ac yn cynnig ei holl wasanaethau’n ddwyieithog. Bydd gofyn i'r ymgeisydd gyrraedd y lefel ieithyddol a nodir fel un o'r sgiliau hanfodol yn y Fanyleb Person.

Rydym yn annog pawb sy’n ymgeisio am swydd gyda Chyngor Gwynedd i gyflwyno ceisiadau am swyddi yn Gymraeg neu’n ddwyieithog.  

( Bydd ceisiadau a gyflwynir yn uniaith Saesneg neu’n Gymraeg yn unig bob amser yn cael eu trin yn gyfartal, ond gofynnwn i ymgeiswyr ystyried yn ofalus beth yw gofynion ieithyddol y swydd dan sylw ac a fyddai’n fwy priodol cyflwyno cais yn Gymraeg.)

I gael rhagor o wybodaeth am y swydd hon, cysylltwch â Sian Griffiths ar 01286 679204

Ffurflenni cais a manylion pellach ar gael gan y Gwasanaeth Cefnogol, Cyngor Gwynedd, Swyddfeydd y Cyngor, Caernarfon, LL55 1SH

Ffôn: 01286 679076

E-bost: swyddi@gwynedd.llyw.cymru

DYDDIAD CAU: 13.03.2025

Bydd y Cyngor yn gofyn am Ddatgeliad gan y Gwasanaeth Datgelu a Gwahardd ar gyfer yr ymgeisydd llwyddiannus.

Os byddwch yn llwyddiannus i fod ar y rhestr fer ar gyfer cyfweliad bydd E-BOST yn cysylltu â chi gan ddefnyddio'r cyfeiriad a ddarperir ar eich ffurflen gais. Mae angen i chi sicrhau eich bod yn gwirio'ch e-bost yn rheolaidd.

Pwrpas y post

•Sicrhau bod pobl Gwynedd yn ganolog i bopeth a wnawn.

•Yn dilyn derbyn statws Cyfeillgar i Oed i Wynedd bydd y swyddog yn cydlynu datblygiad Cynllun Gweithredu Cyfeillgar i Oed ar gyfer y sir.

•Ymgysylltu a chyd-gynhyrchu gyda phartneriaid allweddol

•Codi ymwybyddiaeth o faterion pobl hŷn a datblygu'r agenda rhwng cenedlaethau

Cyfrifoldeb am swyddogaethau

-

Prif ddyletswyddau

•Arwain wrth ymgysylltu â phobl hŷn a rhanddeiliaid allweddol wrth ddatblygu, adolygu a gweithredu cynllun oed gyfeillgar ar gyfer Gwynedd sy'n cyd-fynd â strategaeth genedlaethol Llywodraeth Cymru.

•Monitro a gwerthuso Cynllun Cyfeillgar i Oed Gwynedd, gan ymateb i newidiadau mewn polisi a deddfwriaeth i sicrhau aliniad parhaus.

•Cydweithio i gadarnhau meysydd blaenoriaeth o fewn y Cyngor ac ar draws ein partneriaid i gefnogi datblygiad yr agenda Cyfeillgar i Oed yn y sir.

•Arwain wrth sicrhau bod ystod o ddulliau o ymgysylltu â phobl hŷn yn cael eu cydgynhyrchu i'w galluogi i gael eu hymgynghori a'u clywed yn y prosesau gwneud penderfyniadau sy'n effeithio ar eu bywydau.

•Gweithio ar draws adrannau o'r Awdurdod Lleol i sicrhau fod anghenion pobl hŷn Gwynedd yn cael eu cynrychioli mewn polisi a gweithrediad.

•Hyrwyddo agendâu Gwynedd Oed-gyfeillgar a rhyng-genhedlaeth o fewn a thu allan i'r Awdurdod Lleol.

•Gweithio gyda Mantell Gwynedd, sefydliadau 3ydd sector, mentrau cymdeithasol a hybiau cymunedol i'w cefnogi i weithredu gwasanaethau oed-gyfeillgar.

•Gweithio ar y cyd ag awdurdodau lleol eraill, byrddau iechyd, y Comisiynydd Pobl Hŷn a'r 3ydd sector i rannu arfer da a gwella ansawdd gwasanaethau a chanlyniadau i bobl hŷn.

•Datblygu gwybodaeth a chanllawiau sy'n cydymffurfio â'r ddeddfwriaeth ddiweddaraf sy'n ymwneud â diwallu anghenion pobl hŷn a chreu cymunedau oed-gyfeillgar.

•Cydlynu'r Bartneriaeth Oed Gyfeillgar a datblygu cyfleoedd partneriaeth gref a pherthynas waith rhwng y trydydd sector, adrannau perthnasol y Cyngor a phartneriaid allanol mewn iechyd, gofal a lles er mwyn cyfarch anghenion pobl hŷn yng nghymunedau Gwynedd yn gydlynol.

•Cefnogi amcanion y Tîm Llesiant, gan alluogi'r tîm i gyfrannu at amcanion strategol Cynllun y Cyngor

•Hyrwyddo a chynrychioli'r awdurdod lleol ar grwpiau lleol, rhanbarthol a chenedlaethol yn ôl yr angen.

Cyfrannu at waith yr Adran Plant a Theuluoedd a’r Adran Oedolion, Iechyd a Llesiant wrth ddatblygu Asesiad Anghenion Poblogaeth i Wynedd

•Cyfrifoldeb am hunan-ddatblygiad

•Sicrhau cydymffurfiaeth â rheolau Iechyd a Diogelwch yn y gweithle yn unol â'r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.

•Gweithredu o fewn polisïau'r Cyngor mewn perthynas â chyfle cyfartal a chydraddoldeb

•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor

•Sicrhau bod gwybodaeth bersonol yn cael ei thrin yn unol â deddfwriaeth Diogelu Data.

•Ymrwymiad i leihau allyriadau carbon y Cyngor yn unol â'r Cynllun Rheoli Carbon ac i annog eraill i weithredu'n gadarnhaol tuag at leihau ôl troed carbon y Cyngor.

•Ymgymryd ag unrhyw ddyletswydd gyfatebol a rhesymol arall sy'n cyd-fynd â lefel cyflog a lefel cyfrifoldeb y swydd.

•Cyfrifoldeb i adrodd am bryder neu amheuaeth bod plentyn neu oedolyn agored i niwed yn cael ei gam-drin.

Amgylchiadau arbennig

•Efallai y bydd adegau pan fydd gofyn i chi weithio rhai nosweithiau a phenwythnosau.

Nodweddion personol

Hanfodol

•Y gallu i drosi polisi i gyd-destun lleol a dylanwadu ar randdeiliaid allweddol o fewn yr agenda Cyfeillgar i Oed a Heneiddio'n Dda

•Y gallu i feddwl yn greadigol a dod o hyd i atebion arloesol i greu gwelliannau mewn gwasanaethau i bobl hŷn.

•Cymeriad diplomyddol ac amyneddgar sy'n dangos sgiliau gwrando, cyfathrebu a chyflwyno rhagorol gyda'r gallu i feithrin perthnasoedd effeithiol wrth ymgysylltu ag amrywiaeth o wahanol bobl, grwpiau a sefydliadau.

•Y gallu i ddadansoddi a rheoli blaenoriaethau sy'n gwrthdaro, gweithio i derfynau amser, targedau a blaenoriaethu tasgau.

•Gweithio'n annibynnol, gan ddefnyddio disgresiwn a sgiliau gwneud penderfyniadau bob dydd i ddatrys problemau a dylanwadu ar ganlyniadau cadarnhaol.

•Dealltwriaeth o sut i weithio gyda grwpiau cymunedol ac unigolion yn seiliedig ar gryfderau ac asedau a chyd-gynhyrchu datrysiadau cynaliadwy gyda nhw.

•Ymateb yn sensitif ac yn gyfrinachol mewn modd cwrtais a phroffesiynol i sylwadau, ymholiadau neu gwynion a dderbynnir o amrywiaeth o ffynonellau ac mewn amrywiaeth o fformatau

•Ymrwymiad i gydraddoldeb ac amrywiaeth a pharodrwydd i herio gwahaniaethu o bob math.

•Meddu ar drwydded yrru lawn

•Deall yr hyblygrwydd sydd ei angen yn y rôl ac y gall y rôl gynnwys gweithio gyda'r nos ac ar benwythnosau

Dymunol

-

Cymwysterau a hyfforddiant perthnasol

Hanfodol

•Gradd neu gyfwerth

Dymunol

•Cymhwyster ECDL neu gyfwerth mewn defnyddio TGCh

•Cymhwyster cydnabyddedig mewn rheoli prosiectau

•Cymhwyster ychwanegol mewn marchnata a/neu gyfathrebu

•Cymhwyster mewn gwerthuso prosiectau

Profiad perthnasol

Hanfodol

Profiad blaenorol o:

•Ymgysylltu ag unigolion a grwpiau yn ogystal â chynrychiolwyr o gymunedau lleol, y sector statudol a'r trydydd sector.

•Hwyluso a datblygu prosiectau, mentrau, cynlluniau neu bolisïau a cheisio grantiau o ffynonellau amrywiol

•Cydlynu gweithgareddau a/neu gyfarfodydd aml-asiantaeth

•Monitro effeithiolrwydd prosiectau neu fentrau ac ysgrifennu adroddiadau yn seiliedig ar y canfyddiadau

•Trefnu gweithgareddau, digwyddiadau a chyfarfodydd i ymgysylltu â grwpiau cymunedol

•Cydgynhyrchu gwasanaethau, cynlluniau a chyflawni canlyniadau cytûn ag unigolion a grwpiau.

•Gweithio ar draws sectorau a swyddogaethau i ddatblygu a gwreiddio polisi yn ymarferol.

•Gweithio ym maes pobl hŷn neu mewn amgylchedd gofal cymdeithasol, iechyd neu'r trydydd sector

Dymunol

-

Sgiliau a gwybodaeth arbenigol

Hanfodol

•Sgiliau cyfathrebu ardderchog, ar lefel 1:1, mewn grwpiau, yn gyhoeddus ac mewn gweithdai

•Sgiliau TG ardderchog yn enwedig Microsoft Office a Teams ynghyd â dealltwriaeth gadarn o gyfryngau cymdeithasol fel arf cyfathrebu ac ymgysylltu

•Sgiliau sy'n ymwneud â chynhyrchu a chyflwyno deunyddiau ar feddalwedd dylunio fel CANVA.

•Sgiliau dehongli, dadansoddi a gwerthuso data a gwybodaeth i ddarparu sylfaen dystiolaeth gadarn i gyfiawnhau cynigion, argymhellion a chreu adroddiadau.

•Sgiliau meithrin perthynas gadarnhaol rhwng pobl â gwahanol anghenion a diddordebau

•Sgiliau gweithio rhyngasiantaethol, gweithio ar y cyd a dysgu gan arbenigwyr mewn gwahanol feysydd.

•Sgiliau negodi a chyfaddawdu rhwng gwahanol bartïon sy'n disgwyl pethau gwahanol gennych chi

•Sgiliau ymgysylltu a hwyluso

•Sgiliau trefnu ardderchog sy'n sicrhau bod eraill yn glir ynghylch amserlen, amcanion a phwrpas unrhyw weithgaredd.

•Gwybodaeth am Ddeddf Gwasanaethau Cymdeithasol a Llesiant (Cymru) 2014, Deddf Llesiant Cenedlaethau'r Dyfodol 2016, a'r 5 Ffordd at Les (Iechyd Cyhoeddus Cymru).

•Gwybodaeth fanwl am agenda Heneiddio'n Dda Llywodraeth Cymru gan gynnwys gwaith Rhwng Cenedlaethau

Dymunol

•Gwybodaeth am faterion sy'n effeithio ar bobl hŷn

•Gwybodaeth am y 3ydd sector, mentrau cymdeithasol, a ffynonellau cymorth lleol amrywiol sydd ar gael i gefnogi pobl hŷn

•Sgiliau hyrwyddo cyfryngau cymdeithasol.

•Gwybodaeth o feysydd gwaith o fewn y cyngor ac asiantaethau partner sy'n effeithio ar ansawdd bywyd pobl hŷn yng Ngwynedd

Gofynion iaith

Hanfodol

Gwrando a Siarad - Lefel Uwch

Gallu dilyn sgwrs neu drafodaeth trwy gyfrwng y Gymraeg a’r Saesneg ar lefel broffesiynol a thrafod pynciau cyffredinol o ddydd i ddydd yn y maes er mwyn cyflwyno gwybodaeth a mynegi barn. Gallu rhoi cyflwyniad wedi’i baratoi ymlaen llaw ac ymateb i unrhyw sylwadau a chwestiynau arno yn Gymraeg neu yn Saesneg.

Darllen a Deall - Lefel Uwch

Yn gallu deall Cymraeg a Saesneg ysgrifenedig safonol; ffurfiol ac anffurfiol. Gallu casglu gwybodaeth o amrywiol ffynonellau megis llythyrau, adroddiadau, erthyglau trwy gyfrwng y Gymraeg a'r Saesneg er mwyn cyflawni'r swydd.

Ysgrifennu - Lefel Uwch

Cyflwyno gwybodaeth ysgrifenedig yn hyderus trwy lythyr, adroddiadau manylach a thechnegol, ac ymateb i geisiadau ysgrifenedig yn cyfleu gwybodaeth, syniadau a barn yn Gymraeg a Saesneg (mae cymorth ar gael i wirio’r gwaith).

‍