Cydlynydd Caffael a Chontractau Graddedig

Datblygwr Ynni Adnewyddadwy mewn Perchnogaeth Gyhoeddus Llywodraeth Cymru – Trydan Gwyrdd Cymru

Swydd Wag: Cydlynydd Caffael a Chontractau Graddedig – 37 awr yr wythnos

Amdanom Ni

Sefydlwyd Trydan Gwyrdd Cymru gan Lywodraeth Cymru yn 2023 i roi sero net a chymunedau Cymreig wrth galon mynd i’r afael â’r newid yn yr hinsawdd. Rydym yn cyflymu’r broses o gyflwyno prosiectau ynni adnewyddadwy ar draws ystad gyhoeddus Cymru, yn bennaf drwy dechnolegau gwynt ar y tir a solar ffotofoltäig. Ein nod yw cynhyrchu un gigawat o ynni glân a gynhyrchir yn lleol erbyn 2040.

Mae gennym gyfle unigryw i greu refeniw a fydd yn cael ei ail-fuddsoddi yng nghymunedau Cymru tra’n cefnogi’r newid i ynni glân a chreu swyddi gwyrdd o ansawdd uchel. Mae ein cwmni wedi ymrwymo i sicrhau manteision gwirioneddol i gymunedau lleol a sicrhau eu bod yn cymryd rhan weithredol yn y newid i ynni adnewyddadwy.

Cychwyn Eich Gyrfa Gyda Ni

Wrth i ni ehangu, rydym yn chwilio am Gydlynydd Caffael a Chontractau Graddedig i ymuno â'n tîm. Mae hwn yn gyfle gwych i raddedig diweddar sydd am ddechrau gyrfa ym maes caffael, rheoli contractau, ac ynni cynaliadwy.

Gan adrodd i'r Rheolwr Caffael a Chontractau, byddwch yn cael profiad ymarferol o brosesau caffael, rheoli contractau ac ymgysylltu â chyflenwyr. Byddwch yn cyfrannu at brosiectau allweddol, yn helpu i asesu cyfleoedd yn y farchnad ac yn cefnogi cyflwyno mentrau ynni adnewyddadwy yn effeithlon ac yn gynaliadwy ledled Cymru.

Beth Fyddwch Chi'n Ei Wneud

• Cynorthwyo gyda gweithgareddau caffael, gan gynnwys dewis cyflenwyr a rheoli contractau.
• Cefnogi rheolaeth prosesau caffael i sicrhau cydymffurfiaeth ac effeithlonrwydd.
• Dadansoddi tueddiadau'r farchnad i nodi risgiau a chyfleoedd.
• Cydweithio â thimau mewnol a rhanddeiliaid allanol i gyflawni nodau prosiect.
• Helpu i sicrhau bod contractau’n cael eu cyflawni ar amser ac o fewn y gyllideb.

Yr hyn yr ydym yn chwilio amdano

Rydym yn croesawu ceisiadau gan raddedigion diweddar sy’n angerddol am gynaliadwyedd, caffael, a phrosiectau sector cyhoeddus.

Sgiliau a phrofiad hanfodol:

• Rydym yn agored i bob gradd ond gradd mewn busnes, rheoli cadwyn gyflenwi, y gyfraith, cynaliadwyedd, neu faes cysylltiedig gallai fod yn fuddiol.
• Sgiliau ysgrifennu adroddiadau rhagorol a'r gallu i sicrhau cysondeb ar draws sawl dogfen.
• Sgiliau trefnu cryf a'r gallu i reoli tasgau lluosog.
• Meddylfryd dadansoddol a galluoedd datrys problemau.
• Y gallu i weithio ar y cyd mewn amgylchedd tîm.
• Hyfedredd mewn Microsoft Office, yn enwedig Excel, ar gyfer dadansoddi data.
• Parodrwydd i astudio cymhwyster CIPS
  

Meini Prawf Dymunol

• Byddai'r gallu i siarad Cymraeg neu barodrwydd i ddysgu yn ddymunol
• Profiad blaenorol mewn caffael, rheoli contractau, neu faes cysylltiedig (trwy brofiad gwaith, lleoliadau neu interniaethau)

Lleoliad

Rydym yn gweithredu model gweithio hybrid, gyda hyblygrwydd i weithio gartref ac mae gweithio tua dau/tri diwrnod o’n prif swyddfa ym Merthyr Tudful .

‍

Pam ymuno â ni?

Mae hwn yn gyfle gwych i ddechrau eich gyrfa ym maes caffael tra'n gwneud gwahaniaeth gwirioneddol i ddyfodol ynni adnewyddadwy Cymru. Yn gyfnewid, rydym yn cynnig:

· Cyflog cychwynnol o £25,000

· Cyfleoedd hyfforddiant a datblygiad gyrfa cynhwysfawr .

· 28 diwrnod o wyliau blynyddol + 8 o wyliau cyhoeddus .

· Cynllun pensiwn cyfraniadau diffiniedig i gefnogi eich dyfodol.

· Cynllun aberthu cyflog cerbydau trydan .

· Amgylchedd gwaith cydweithredol, cynhwysol a hyblyg .

Os ydych yn barod i fod yn rhan o daith gyffrous tuag at ddyfodol gwyrddach, mwy cynaliadwy, byddem wrth ein bodd yn clywed gennych.

Rydym wedi ymrwymo i amrywiaeth a chynhwysiant ac yn annog ceisiadau o bob cefndir. Bydd ceisiadau am weithio hyblyg yn cael eu hystyried.

Dyddiadau:

Dyddiad Cau Cais: 11 Ebrill 2025

Hysbysiad o lwyddiant i rownd 1af: 23 Ebrill 2025

Cyfweliad Rownd 1af dros Dîm Microsoft: 28 Ebrill 2025

Cyfweliad 2il Rownd yn bersonol yn Swyddfa Merthyr: 7 Mai 2025

‍

Os hoffech sgwrs anffurfiol am y rôl hon, e-bostiwch swyddi@trydangwyrddcymru.wales .

‍