Os ydych chi’n 25 oed neu’n iau, bydd Syniadau Mawr Cymru yn eich cefnogi chi drwy gynhyrchu syniadau i gychwyn busnes. Gallwn eich helpu i ddysgu am fusnes a hunangyflogaeth, yr ymddygiadau a fydd yn eich gwneud yn llwyddiannus a'ch helpu i gymryd y cam nesaf tuag at ddechrau busnes neu ddod yn hunangyflogedig. Hŷn na 25? Dim problem – mae Syniadau Mawr Cymru yn rhan o wasanaeth Busnes Cymru, sy’n cefnogi’r rhai sy’n ystyried dechrau busnes, yr hunan-gyflogedig, mentrau micro, bach a chanolig yng Nghymru drwy gynnig mynediad i wybodaeth, cyngor ac arweiniad trwy weithdai, dysgu ar-lein a cyngor wyneb yn wyneb.

‍

Mae Help gan Syniadau Mawr Cymru yn cynnwys ond heb fod yn gyfyngedig i:

• Adnoddau digidol (cofrestrwch ar gyfer canllaw cychwyn unigryw)
• Cyfleoedd rhwydweithio gydag entrepreneuriaid ifanc eraill a pherchnogion busnes sefydledig
• Gweithdai ar ystod eang o bynciau megis pitsio, rheoli cyfryngau cymdeithasol ar gyfer busnes, ymchwil marchnad a dechrau busnes.
• Bŵtcamp i Fusnes - penwythnoswr preswyl.
• Cefnogaeth cynghorydd busnes 1-2-1, a chanllawiau model rôl parhaus gan entrepreneur lleol.
• Os ydych chi'n dal mewn addysg neu wedi graddio'n ddiweddar, cysylltwch â'n Hyrwyddwyr Menter, mae un ym mhob coleg a phrifysgol yng Nghymru.
• Cyfeirio at gymorth ehangach gan Busnes Cymru os ydych dros 25 am help gyda: Cynllunio busnes, Dod o hyd i fuddsoddiad gan y sector preifat, Adnoddau Dynol, cydraddoldeb ac amrywiaeth, Tendro, Masnach Ryngwladol, Sgiliau, Mentora, TGCh a Digidol, Marchnata, Gweithdai, Menter Gymdeithasol a Cefnogaeth 3ydd sector. Yn ogystal, mae Rhaglen Cyflymu Twf Busnes Cymru wedi’i hanelu at fusnesau sy’n profi neu’n debygol o brofi twf esbonyddol. Rhaid i fusnesau fodloni meini prawf cymhwysedd clir.

‍

Ddim yn siŵr ble i ddechrau ar eich taith fusnes? I gael mynediad at ganllaw cychwyn busnes rhad ac am ddim, cysylltwch â ni yma.

‍